Մուտք գործեք
 

Ադրբեջանի քաղաքացի Հուսեյնզադեն Արցախում պատիժը կրելուց հետո ազատ է արձակվել

Արցախի ընդհանուր իրավասության առաջին ատյանի դատարանի 2018թ. փետրվարի 9-ի դատավճռով 2 տարի ազատազրկման դատապարտված Էլնուր Էլման օղլի Հուսեյնզադեն Արցախի ոստիկանության ՔԿՎ քրեակատարողական հիմնարկում պատիժը կրելուց հետո, 2019թ. փետրվարի 2-ին ազատ է արձակվել: Այդ մասին տեղեկացնում է Արցախի գլխավոր դատախազությունը:
Ադրբեջանի քաղաքացի Էլնուր Էլման օղլի Հուսեյնզադեն մեղադրվում էր այն բանում, որ նա հանդիսանալով Ադրբեջանի Հանրապետության զինված ուժերի 157-րդ մոտոհրաձգային բրիգադի հետախուզական վաշտի զինծառայող, 2017թ. փետրվարի 1-ին, ժամը 15.00-ի սահմաններում, առանց պատշաճ թույլտվության Մարտակերտի շրջանի Թալիշ համայնքի ուղղությամբ ապօրինի հատել էր Արցախի Հանրապետության զինված ուժերի կողմից պահպանվող պետական սահմանը, մտել մարտական դիրքի խրամուղի, որից հետո ձերբակալվել էր պետական սահմանի հսկողությունն իրականացնող ստորաբաժանման ծառայողների կողմից:

https://www.aysor.am/am/news/2019/02/05/%D5%80%D5%B8%D6%82%D5%BD%D5%A5%D5%B5%D5%B6%D5%A6%D5%A1%D5%A4%D5%A5/1522198
Մեկնաբանել